फळबागा लागवडीसाठी शासनाचे एकात्मिक फलौत्पादन विकास अभियान

योजनेचे नाव – एकात्मिक फलौत्पादन विकास अभियान

विभाग – कृषी

योजने बद्दल

साल २००५-०६ मध्ये फलोत्पादन क्षेत्राच्या सर्वांगीण विकासासाठी केंद्र सरकारने राष्ट्रीय फलोत्पादन अभियान सुरू केले. या अभियानाचा मुख्य उद्देश देशातील फलोत्पादनाचे उत्पादन दुप्पट करणे आहे. यासाठी गुणवत्तापूर्ण लागवड साहित्य उपलब्ध करून देणे, नवीन फळबागा लागवड करणे, जुन्या फळबागांचे पुनरुज्जीवन करणे, सामुहिक शेततळ्यांद्वारे सिंचन क्षमता वाढवणे, हरितगृह आणि शेडनेट हाऊसद्वारे नियंत्रित शेती करणे, एकात्मिक अज्ञद्रव्ये आणि कोड व्यवस्थापन, सेंद्रिय शेती, मनुष्यबळ विकास, आणि काढणी व्यवस्थापन यांसारख्या विविध बाबींकरिता आर्थिक मदत केली जात आहे.

गुणवत्तापूर्ण लागवड साहित्य उपलब्ध करून देणे, नवीन फळबागा लागवड करणे, जुन्या फळबागांचे पुनरुज्जीवन करणे

उद्देश-

• प्रादेशिक अनुकूलता आणि गरजांच्या आधारे विविध कृषि हवामान विभागांमध्ये फलोद्यान क्षेत्राचा सर्वागीण विकास संशोधन, तंत्रज्ञान, प्रसार, काढणीतील तंत्रज्ञान आणि विपणन सुविधांच्या माध्यमातून समूह पद्धतीने साधणे.
• शेतकऱ्यांना एकत्र करून शेतकऱ्यांच्या गटांची स्थापना करणे आणि शेतकरी उत्पादक समूहांची निर्मिती करण्यासाठी प्रोत्साहित करणे.
• उत्पादकता आणि उत्पादन वाढवून निव्वळ उत्पादनात सुधारणा करणे.
• शेतकऱ्यांचे आर्थिक जीवनमान उंचावणे आणि आहारातील पोषणमूल्य वाढवणे.
• विद्यमान फलोत्पादन विषयक विविध योजनांमध्ये समन्वय साधून एकरूपता आणणे.
• पारंपरिक उत्पादन पद्धतींना आधुनिक शास्त्रीय ज्ञानाशी जोडून तंत्रज्ञानाचा विकास, प्रसार आणि प्रचार करणे.
• कुशल आणि अकुशल, विशेषतः बेरोजगार तरुणांसाठी रोजगाराच्या संधी उपलब्ध करणे.

खाली नमूद केलेल्या घटकांचा लाभ शेतकरी घेऊ शकतात

पात्रतेचे निकष

• शेतकऱ्याकडे आधार कार्ड असणे आवश्यक आहे.
• शेतकऱ्यांकडे ७/१२ प्रमाणपत्र आणि ८-अ प्रमाणपत्र असणे आवश्यक आहे.
• शेतकरी अनुसूचित जाती किंवा अनुसूचित जमातीचा असल्यास जात प्रमाणपत्र आवश्यक आहे.
• शेतकरी किंवा शेतकरी समूहाकडे फलोत्पादन पिके असणे आवश्यक आहे.
• लाभार्थ्याने शेततळे अस्तरीकरणासाठी अधिकृत ५०० मायक्रॉनची प्लास्टिक फिल्म वापरणे अनिवार्य आहे.
• सामूहिक शेततळा हा शेतकरी समूहासाठी आहे, ज्यामध्ये २ किंवा अधिक शेतकरी असावे. शेतकऱ्यांचे संयुक्क कुटुंब नसावे, आणि त्यांच्या ७/१२ खात्यातील जमीन धारणा स्वतंत्र असावी.
• शेततळ्यातील पाणी वापरण्यासाठी सूक्ष्म सिंचन पद्धतीचा अवलंब करणे आवश्यक आहे.
• पूर्वी केलेले शेततळे, नैसर्गिक खड्डे, दगड खाणी, विहिरी इत्यादी ठिकाणी सामूहिक किंवा वैयक्तिक शेततळे अस्तरीकरण मंजूर केले जाणार नाही.
• सामूहिक शेततळ्याचा लाभ नानाजी देशमुख कृषी संजीवनी प्रकल्पांतर्गत औरंगाबाद, जालना, बीड, लातूर, नांदेड, परभणी, हिंगोली, उस्मानाबाद, अकोला, अमरावती, वाशीम, यवतमाळ, बुलढाणा, वर्धा, जळगाव, तसेच विदर्भातील नागपूर, चंद्रपूर, गडचिरोली, गोंदिया आणि भंडारा व कोकण विभागातील पालघर, ठाणे, रायगड, रत्नागिरी, सिंधुदुर्ग या जिल्ह्यांमधील सर्व प्रवर्गातील अर्जदार पात्र राहतील.
• सामूहिक शेततळे घटकासाठी राज्यातील सर्व जिल्ह्यांतील अनुसूचित जाती व अनुसूचित जमातीचे अर्जदार पात्र राहतील. तथापि, वरील २५ जिल्ह्यांखेरीज इतर जिल्ह्यांमधील सर्वसाधारण प्रवर्गातील अर्जदारांना सामूहिक शेततळे हा घटक अनुज्ञेय राहणार नाही.

आवश्यक कागदपत्रे

• ७/१२ प्रमाणपत्र

• ८-ए प्रमाणपत्र

• अनुसूचित जाती, अनुसूचित जमाती लाभार्थीसाठी जात प्रमाणपत्र (आवश्यक असल्यास)

• खरेदी करण्याचे साधन / उपकरणांचे कोटेशन किंवा बिल

अर्ज करण्यासाठी खालील लिंक वरती क्लिक करा

https://mahadbt.maharashtra.gov.in/Farmer/RegistrationLogin/RegistrationLogin